ਅੰਬਾਲਾ-ਚੰਡੀਗੜ੍ਹ ਗ੍ਰੀਨਫੀਲਡ ਹਾਈਵੇਅ ਦਾ ਕੰਮ ਫੜੇਗਾ ਰਫ਼ਤਾਰ: ਜਾਮ ਤੋਂ ਮਿਲੇਗੀ ਮੁਕਤੀ ਅਤੇ ਸਫ਼ਰ ਹੋਵੇਗਾ ਸੌਖਾ

ਮੋਹਾਲੀ 

ਪੰਜਾਬ, ਹਿਮਾਚਲ ਪ੍ਰਦੇਸ਼ ਅਤੇ ਜੰਮੂ-ਕਸ਼ਮੀਰ ਤੋਂ ਦਿੱਲੀ ਜਾਣ ਵਾਲੇ ਮੁਸਾਫ਼ਰਾਂ ਲਈ ਇੱਕ ਚੰਗੀ ਖ਼ਬਰ ਹੈ। ਕੇਂਦਰ ਸਰਕਾਰ ਵੱਲੋਂ ਬਣਾਏ ਜਾ ਰਹੇ ਅੰਬਾਲਾ-ਚੰਡੀਗੜ੍ਹ ਗ੍ਰੀਨਫੀਲਡ ਹਾਈਵੇਅ (NH-205A) ਦਾ ਕੰਮ ਹੁਣ ਤੇਜ਼ ਹੋ ਗਿਆ ਹੈ। ਇਸ ਪ੍ਰੋਜੈਕਟ ਦੇ ਮੁਕੰਮਲ ਹੋਣ ਨਾਲ ਵਾਹਨ ਚਾਲਕਾਂ ਨੂੰ ਚੰਡੀਗੜ੍ਹ ਅਤੇ ਡੇਰਾਬੱਸੀ ਦੇ ਭਾਰੀ ਜਾਮ ਤੋਂ ਮੁਕਤੀ ਮਿਲੇਗੀ। ਹਾਈਵੇਅ ਬਣਨ ਤੋਂ ਬਾਅਦ ਅੰਬਾਲਾ ਤੋਂ ਮੋਹਾਲੀ ਤੱਕ ਦਾ ਸਫ਼ਰ ਮਹਿਜ਼ 40 ਤੋਂ 50 ਮਿੰਟਾਂ ਵਿੱਚ ਪੂਰਾ ਹੋ ਸਕੇਗਾ, ਜਿਸ ਨਾਲ ਰੋਜ਼ਾਨਾ ਕਰੀਬ 80 ਹਜ਼ਾਰ ਵਾਹਨ ਚਾਲਕਾਂ ਨੂੰ ਸਿੱਧਾ ਫਾਇਦਾ ਹੋਵੇਗਾ। ਸਰਕਾਰ ਦਾ ਟੀਚਾ ਇਸ ਪ੍ਰੋਜੈਕਟ ਨੂੰ ਇਸੇ ਸਾਲ ਦੇ ਅੰਤ ਤੱਕ ਪੂਰਾ ਕਰਨ ਦਾ ਹੈ।
ਇਸ 61 ਕਿਲੋਮੀਟਰ ਲੰਬੇ ਗ੍ਰੀਨਫੀਲਡ ਕਾਰੀਡੋਰ ਨੂੰ ਟ੍ਰਾਈਸਿਟੀ ਰਿੰਗ ਰੋਡ ਯੋਜਨਾ ਤਹਿਤ ਸਾਲ 2020-21 ਵਿੱਚ ਮਨਜ਼ੂਰੀ ਦਿੱਤੀ ਗਈ ਸੀ। ਇਸ ਨੂੰ ਦੋ ਹਿੱਸਿਆਂ ਵਿੱਚ ਤਿਆਰ ਕੀਤਾ ਜਾ ਰਿਹਾ ਹੈ। ਇਸ ਦਾ ਦੂਜਾ ਹਿੱਸਾ, ਜੋ ਆਈ.ਟੀ. ਸਿਟੀ ਚੌਕ ਤੋਂ ਕੁਰਾਲੀ ਤੱਕ (31.23 ਕਿਲੋਮੀਟਰ) ਹੈ, ਪੂਰੀ ਤਰ੍ਹਾਂ ਤਿਆਰ ਹੋ ਕੇ ਆਮ ਲੋਕਾਂ ਲਈ ਖੋਲ੍ਹ ਦਿੱਤਾ ਗਿਆ ਹੈ, ਜਿਸ ਨੂੰ ਮੋਹਾਲੀ-ਕੁਰਾਲੀ ਬਾਈਪਾਸ ਵੀ ਕਿਹਾ ਜਾਂਦਾ ਹੈ। ਪਹਿਲੇ ਹਿੱਸੇ (ਦੇਵੀਨਗਰ ਅੰਬਾਲਾ ਤੋਂ ਆਈ.ਟੀ. ਸਿਟੀ ਚੌਕ ਮੋਹਾਲੀ) ਦਾ ਲਗਭਗ 80% ਕੰਮ ਪੂਰਾ ਹੋ ਚੁੱਕਾ ਹੈ। ਇਸ ਹਿੱਸੇ ਵਿੱਚ ਜ਼ਮੀਨ ਐਕੁਆਇਰ ਕਰਨ ਅਤੇ ਕਿਸਾਨਾਂ ਦੇ ਵਿਰੋਧ ਕਾਰਨ ਕੰਮ ਰੁਕਿਆ ਹੋਇਆ ਸੀ। ਹੁਣ ਮੋਹਾਲੀ ਦੇ ਡੇਰਾਬੱਸੀ ਇਲਾਕੇ ਦੇ ਛਰਬੜ ਅਤੇ ਸਲੇਮਪੁਰ ਉਰਫ਼ ਨੰਗਲ ਪਿੰਡਾਂ ਵਿੱਚ ਜ਼ਮੀਨ ਅਧਿਗ੍ਰਹਿਣ ਲਈ ਨਵੀਂ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤੀ ਗਈ ਹੈ, ਜਿਸ ਨਾਲ ਬਾਕੀ ਰਹਿੰਦਾ ਸੜਕ, ਪੁਲ ਅਤੇ ਫਿਨਿਸ਼ਿੰਗ ਦਾ ਕੰਮ ਤੇਜ਼ੀ ਨਾਲ ਨੇਪਰੇ ਚਾੜ੍ਹਿਆ ਜਾਵੇਗਾ।
ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਵੱਲੋਂ ਮੁਆਵਜ਼ਾ ਰਾਸ਼ੀ ਵਧਾ ਕੇ ਕਰੀਬ 1 ਕਰੋੜ ਤੋਂ 1.09 ਕਰੋੜ ਰੁਪਏ ਪ੍ਰਤੀ ਏਕੜ ਕਰ ਦਿੱਤੀ ਗਈ ਹੈ, ਜਦਕਿ ਏਅਰਪੋਰਟ ਰੋਡ ਵਰਗੀਆਂ ਪ੍ਰਾਈਮ ਲੋਕੇਸ਼ਨਾਂ ਲਈ ਇਹ ਮੁਆਵਜ਼ਾ 4.12 ਕਰੋੜ ਰੁਪਏ ਪ੍ਰਤੀ ਏਕੜ ਤੱਕ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, ਫਰਵਰੀ 2026 ਵਿੱਚ ਸਰਕਾਰ ਨੇ 1,463.95 ਕਰੋੜ ਰੁਪਏ ਦੇ ਬਜਟ ਨਾਲ ਇੱਕ ਨਵਾਂ 10.3 ਕਿਲੋਮੀਟਰ ਲੰਬਾ 6-ਲੇਨ ਲਿੰਕ ਰੋਡ ਵੀ ਮਨਜ਼ੂਰ ਕੀਤਾ ਹੈ, ਜੋ NH-205A ਨੂੰ ਸਿੱਧਾ ਜ਼ੀਰਕਪੁਰ ਬਾਈਪਾਸ ਨਾਲ ਜੋੜੇਗਾ। ਇਸ ਨਾਲ ਸ਼ਿਮਲਾ, ਚੰਡੀਗੜ੍ਹ ਅਤੇ ਪੰਚਕੂਲਾ ਜਾਣ ਵਾਲੇ ਲੋਕਾਂ ਨੂੰ ਸ਼ਹਿਰ ਦੇ ਟ੍ਰੈਫਿਕ ਵਿੱਚ ਫਸਣਾ ਨਹੀਂ ਪਵੇਗਾ। ਮੌਜੂਦਾ ਸਮੇਂ ਮੋਹਾਲੀ ਤੋਂ ਅੰਬਾਲਾ ਜਾਣ ਲਈ ਜ਼ੀਰਕਪੁਰ-ਡੇਰਾਬੱਸੀ ਰੂਟ 'ਤੇ ਡੇਢ ਘੰਟਾ ਲੱਗਦਾ ਹੈ, ਜਦਕਿ ਬਨੂੜ-ਰਾਜਪੁਰਾ ਬਾਈਪਾਸ ਰੂਟ 'ਤੇ ਇੱਕ ਘੰਟਾ ਲੱਗਦਾ ਹੈ। ਇਸ ਨਵੇਂ ਹਾਈਵੇਅ ਦੇ ਪੂਰੀ ਤਰ੍ਹਾਂ ਚਾਲੂ ਹੋਣ ਨਾਲ ਸਮੇਂ ਅਤੇ ਬਾਲਣ ਦੋਵਾਂ ਦੀ ਵੱਡੀ ਬਚਤ ਹੋਵੇਗੀ।

---

The construction of the Ambala-Chandigarh Greenfield Highway (NH-205A) has gained momentum, aiming for completion by the end of this year. This project will cut travel time between Ambala and Mohali to just 40-50 minutes, providing major relief from traffic jams for commuters traveling from Punjab, Himachal, and Jammu & Kashmir to Delhi.

अंबाला-ਚੰਡੀਗੜ੍ਹ ਗ੍ਰੀਨਫੀਲਡ ਹਾਈਵੇ (NH-205A) ਦਾ ਨਿਰਮਾਣ ਕਾਰਜ ਤੇਜ਼ੀ ਫੜ ਰਿਹਾ ਹੈ, ਜਿਸ ਨੂੰ ਇਸੇ ਸਾਲ ਦੇ ਅੰਤ ਤੱਕ ਪੂਰਾ ਕਰਨ ਦਾ ਟੀਚਾ ਹੈ। ਇਸ ਪ੍ਰੋਜੈਕਟ ਦੇ ਪੂਰਾ ਹੋਣ ਨਾਲ ਅੰਬਾਲਾ ਤੋਂ ਮੋਹਾਲੀ ਦਾ ਸਫ਼ਰ ਸਿਰਫ਼ 40-50 ਮਿੰਟ ਦਾ ਰਹਿ ਜਾਵੇਗਾ ਅਤੇ ਪੰਜਾਬ, ਹਿਮਾਚਲ ਅਤੇ ਜੰਮੂ-ਕਸ਼ਮੀਰ ਤੋਂ ਦਿੱਲੀ ਜਾਣ ਵਾਲੇ ਲੋਕਾਂ ਨੂੰ ਟ੍ਰੈਫਿਕ ਜਾਮ ਤੋਂ ਵੱਡੀ ਰਾਹਤ ਮਿਲੇਗੀ।